BERRITASUNAK
9/2017 Legeak, azaroaren 8koak, Sektore Publikoko Kontraturenak, Europako Parlamentuaren eta Kontseiluaren 2014ko otsailaren 26ko 2014/23/EB eta 2014/24/EB zuzentarauen transposizioa egiten duenak Espainiako ordenamendu juridikora, gobernantza sistema berri bat ezarri du kontratazio publikoko araudia betetzen dela bermatze aldera.
Sistema horretan paper nabarmena dauka Kontratazioa Arautu eta Gainbegiratzeko Bulegoak (OIReScon). Kide anitzeko organo hau sortu da kontratazio publikoaren alorreko legedia behar bezala aplikatzen dela bermatzeko eta, bereziki, lehia sustatzeko eta legezkontrakotasunei aurre egiteko. Organoak erabateko independentzia organiko eta funtzionala izango du bere jarduerak garatzeko eta bere helburuak lortzeko orduan.
Bestalde, 9/2017 Legeak Ebaluazioko Bulego Nazionala sortu du, OIReScon bulegoan integratutako kide anitzeko organoa. Organo honen xedea da obra emakidako eta zerbitzu emakidako kontratuen jasangarri tasun finantzarioa aztertzea, horretarako dagozkion txostenak prestatuta.