Integridade

O Plan estatal de loita contra a corrupción, anunciado polo presidente do Goberno nas Cortes Xerais o 9 de xullo de 2025 e aprobado polo Consello de Ministros mediante acordo o 26 de agosto de 2025, pretende establecer unha folla de ruta clara que permita seguir avanzando cara a unha Administración máis íntegra e transparente. Desta forma, afóndase en novas actuacións para combater a corrupción.

As medidas seguen as recomendacións do Grupo de Estados contra a Corrupción do Consello de Europa (GRECO), da OCDE, da Comisión Europea e da Convención de Nacións Unidas contra a Corrupción, e incorporan achegas da sociedade civil, formuladas no Foro de Goberno Aberto.

A través desta páxina infórmase sobre actuacións que o Ministerio de Facenda impulsa en materia de integridade:

Comisión Interministerial para o impulso do Plan estatal de loita contra a corrupción

• Creación: Real decreto 711/2025, do 26 de agosto, polo que se crea a Comisión Interministerial para o impulso do Plan estatal de loita contra a corrupción, e se establece a súa composición e funcionamento.
• Constitución da Comisión

Comité de Integridade do Ministerio de Facenda

O Comité de Integridade do Ministerio de Facenda é un órgano colexiado responsable de impulsar e coordinar o departamento en materia de integridade, e que actúa de enlace coa Comisión Interdepartamental de Integridade Institucional co fin de propoñer modificacións do sistema de integridade da AXE.

• Creación: Orde HAC/608/2026, do 10 de xuño, pola que se crea o Comité de Integridade e se determinan a súa composición e funcións, e polo que se regulan o Comité Antifraude e a Comisión do Sistema Interno de Información do Ministerio de Facenda.
• Constitución: A constitución do Comité de Integridade tivo lugar o 24 de xuño de 2026.
• Actas:

  • Acta 1/2026 (PDF, 328 KB)

Plan de medidas antifraude do ministerio

O ministerio aprobou o seu Plan de medidas antifraude o 3 de xuño de 2021, en estrito cumprimento do artigo 22 do Regulamento (UE) 2021/241, do Parlamento Europeo e do Consello, do 12 de febreiro de 2021, polo que se establece o Mecanismo de recuperación e resiliencia, e o artigo 6.1 da Orde HFP/1030/2021, do 29 de setembro, pola que se configura o sistema de xestión do Plan de recuperación, transformación e resiliencia (PRTR).

Acceda ao Plan de medidas antifraude do ministerio.

Sistema interno de información Lei 2/2023

Resolución do 13 de xuño de 2023, da Subsecretaría do Ministerio, pola que se establece o sistema interno de información previsto no título II da Lei 2/2023, do 20 de febreiro, reguladora da protección das persoas que informen sobre infraccións normativas e de loita contra a corrupción, no ámbito deste ministerio.

A canle interna de información está dispoñible:

• Por medios electrónicos: a través do formulario habilitado para iso.
• Por envío postal: Remitindo a documentación en sobre pechado, no que deberá indicarse A/A PROTECCIÓN AL INFORMANTE, ao seguinte enderezo postal: Inspección General, Ministerio de Hacienda y Función Pública, Calle Alcalá, 9, planta 2ª, 28014 Madrid.

Proxecto de Lei orgánica de integridade pública

O proxecto de Lei orgánica de integridade pública reforza todo o ciclo de loita contra a corrupción a través da prevención, a investigación, a sanción e a restitución á Facenda Pública.

• Textos sometidos ao trámite de información pública: Anteproxecto e Memoria de análise de impacto normativo (MAIN).
• Nota de prensa, remisión ao Congreso e presentación.