PLENO
PRESIDENTE
COMISIÓN PERMANENTE
UNIDADE OPERATIVA
GRUPOS DE TRABALLO
PLENOComposición
Fórmano dezaseis vogais nomeados polo ministro de Facenda e Administracións Públicas, a proposta do secretario de Estado de Facenda, mediante Orde ministerial (artigo 4.1 do RD 1676/2009), con excepción de determinados vogais que teñen a condición de natos en razón do cargo que ostentan, distribuídos da forma seguinte:
Funcións dos vogais
Todos os vogais teñen as mesmas obrigacións e responsabilidades de sixilo e secreto que a lexislación vixente contempla respecto dos funcionarios integrados na AEAT.
Tamén lles resulta de aplicación o réxime de abstención e recusación previsto no Capítulo II do Título preliminar da Lei 40/2015, de 1 de outubro, de Réxime Xurídico do Sector Público.
PRESIDENTEHa de ser unha persoa de recoñecido prestixio no ámbito tributario con, polo menos, 10 anos de experiencia profesional. É nomeado polo ministro de Facenda e Administracións Públicas, a proposta do Consello, de entre os seus membros, por un prazo de catro anos. Ostenta a representación do mesmo e é o órgano de relación coa Secretaría de Estado de Facenda, a AEAT e os demais organismos públicos e privados.
O primeiro presidente foi o profesor Javier Lasarte Álvarez, catedrático de Dereito Financeiro e Tributario da Universidade Pablo de Olavide de Sevilla.Na actualidade ocupa o cargo José Antonio Sánchez Galiana, catedrático da mesma disciplina na Universidade de Granada.
Actúa, do mesmo xeito que o Consello, con total independencia respecto de calquera outro órgano administrativo e con total autonomía en canto aos criterios e directrices a aplicar no exercicio das súas funcións, de forma que debe poñer en coñecemento inmediato do secretario de Estado de Facenda calquera actuación que as menoscabe (artigo 5 do RD 1676/2009).
COMISIÓN PERMANENTEComposición
Presídea o presidente e está formada por tres membros, designados polo pleno a proposta do seu presidente e polo secretario do Consello, que así mesmo asumirá as funcións de secretario da devandita comisión.
Funcións
Entre as súas funcións atópanse as de decidir a tramitación e distribución das queixas e suxestións; propor ao presidente a orde do día das sesións do Pleno e as súas datas de celebración, así como preparar a documentación e informes precisos sobre os temas a tratar neste; elaborar o proxecto de Memoria anual; elaborar propostas de xestión, de revogación e de cambio normativo; recibir información sobre os expedientes resoltos polos servizos responsables, etc.
UNIDADE OPERATIVAIntegrada no Servizo de Auditoría Interna da AEAT, áchase a Unidade Operativa, adscrita ao Consello para a Defensa do Contribuínte.Coordinada polo director do Servizo de Auditoría Interna, actúa baixo a superior dirección do presidente do Consello, prestándolle apoio técnico no desempeño das súas actividades. A unidade operativa intégrana tres unidades de tramitación de queixas e suxestións.
Existen dúas unidades rexionais con sedes en Madrid e Barcelona, e por tanto cun ámbito de actuación limitado territorialmente, e unha unidade central.